Մարգարայի միջնակարգ դպրոցում մայիսի 20-ին՝ օրվա երկրորդ կեսին, տեղի ունեցավ ֆիզկուլտմիասնական օր: ֆիզկուլտուրայի ուսուցիչները աշակերտներին բաժանեցին խմբերի և կազմակերպեցին տարատեսակ խաղեր: Տղաները ֆուտբոլ էին խաղում, աղջիկները վազում էին՝ բազում փորձություններ հաղթահարելով: Իսկ տարրական դպրոցի աշակերտները առանձին խաղում էին իրենց մանկական սպորտային խաղերը: Չնայած օրը ամպամած էր, բայց այն անցավ շատ աշխույժ, բարձր և մարտական տրամադրությամբ: