2017թ. փետրվարին Մարգարայի միջնակարգ դպրոցը ներգրավվել է ՀՀ ԿԳՆ կողմից կազմակերպվող ծրագրի մեջ, որտեղ մենթոր դպրոցը վերապատրաստում, աջակցում և օգնում է մենթի դպրոցին: Մեզ համար մենթոր դպրոց է «Մխիթար Սեբաստացի» կրթահամալիրը: Համագործակցության շրջանակներում մշակվեց մի ծրագիր, որտեղ նախատեսվում են փոխադարձ այցելություններ: Մարտի 22-ին կրթահամալիրի դասավանդողներն ու 5-րդ դասարանի աշակերտները եկան մեր դպրոց: Մենք մեծ սիրով ընդունեցինք նրանց, կազմակերպեցինք շրջայց դպրոցում, ծանոթացրեցինք մեր դպրոցի ուսումնական գործընթացին: Այնուհետև համակարգչային սենյակում նրանք մեզ սովորեցրեցին, թե ինչպես կարելի է բլոգ ունենալ և այն ղեկավարել: Արդյունքում մեր աշակերտները ունեցան էլեկտրոնային հասցեներ և բլոգներ: Մենք որոշեցինք դպրոցի համար ունենալ մեկ ընդհանուր բլոգ ՝ Մարգարայի միջնակարգ դպրոց անունով:
Շնորհակալություն «Մխիթար Սեբաստացի» կրթահամալիրին աջակցության, հետաքրքիր համագործակցության համար:
Ծրագրի համակարգող՝ Սաթենիկ Գաբրիելյան
Մարգարայի միջնակարգ դպրոց 